Kaanum Pongal Festival تمل ناڈو میں کانم پونگل تہوار کے لئے پندرہ ہزار سے زیادہ پولیس اہلکار تعینات

تمل ناڈو میں کانم پونگل تہوار کے پیش نظر پندرہ ہزار سے زائد پولیس اہلکار کو تعینات کیا گیا ہے۔ اس دوران سمندر میں نہانے پر پابندی رہے گی۔ لوگوں کو سمندر میں جانے سے روکنے کے لئے بیریکیڈس لگائے گئے ہیں۔ Kaanum Pongal Festival in Tamil Nadu

چنئی:تمل ناڈو میں چار روزہ پونگل میلہ کے اختتام میں کل ہونے والے کانم پونگل سے پہلے 15 ہزار سے زیادہ پولیس اہلکاروں کو حفاظتی ڈیوٹی پر تعینات کیا گیا ہے۔ کورونا وبا کی وجہ سے دو سال بعد اس سال ہونے والے تہوار میں مشہور مرینا بیچ فرنٹ پر بہت زیادہ لوگوں کے اکھٹا ہونے کا اندازہ ہے، کل اتوار اور پونگل کی چھٹی کے موقع اپنی سب سے پسندیدہ جگہ سمندر ساحل پر لاکھوں لوگوں کی بہت زیادی بھیڑ دیکھی گئی۔ تہوار کے مد نظر چنئی شہرکے پولیس کمشنرشنکر جیوال نے وردی اور سادے کپڑوں میں پولیس اہلکاروں کی تعیناتی کے علاوہ مرینا بیچ سمیت سبھی جگہوں پرسخت نگرانی یقینی کرنے کے لئے کئی دیگر طریقے کرنے کی ہدایت دئے ہیں۔اس موقع پر ریاست کے مختلف حصوں سے آ ئے لاکھوں لوگوں کے اکھٹا ہونے کے آثار ہیں۔

انھوں نے بتایاکہ اس موقع پر ریاستی پولیس کے 15ہزارسے زائد اور ایک ہزار ہوم گارڈ کے مرینا بیچ اور شہر کے دیگر حصوں میں حفاظتی ڈیوٹی پر تعینات کیا جائے گا۔ انھوں نے کہا کہ مرینا بیچ پر واقع سابق وزیر اعلی ایم جی آر، جے جیللیتا،ایم کروناندھی اور سی این انادروئی یادگاروں پر بڑی تعدادمیں لوگوں کے اکھٹا ہونے کے مد نظر پولیس اہلکاروں تعینات کئے جائیں گے۔ پولیس ذرائع نے بتایا کہ ساحل سمندر کے سامنے مرینا اور بیسنٹ نگر الیٹس بیچ پر گشت کے کے لئے سبھی علاقوں کے گاڑیوں کو تعینات کیا جائے گا۔ پولیس کمشنر شنکرجیوال نے بتایا کہ ساحل سمندر پر شدید بھیڑ ہونے کی وجہ سے پولیس نے کل کے لئے آمد رفت میں تبدیلی کا اعلان کیاہے۔ انھوں نے بتایا کہ مستقل طورپر بیریکیڈس لگا دئے گئے ہیں۔ خواتین کو پریشان کرنے والے لوگوں کے خلاف سخت کاروائی کرنے کو کہا گیا ہے۔

تمل ناڈو فائربریگیڈ اور بچاوخدمات کے اہلکاروں نے بتایا کہ حادثہ کی روک تھام کے تحت لائف جیکیٹ سے لیس مختلف فائراسٹیشنوں کے 50سے زائد فائر فائیٹر شہر کے سمندر ساحل پر تعینات کیا جائے گا۔ پولیس ذرائع نے بتایا کہ اس دوران سمندر میں نہانے پر پابندی رہے گی۔ لوگوں کو سمندر میں جانے سے روکنے کے لئے بیریکیڈس لگائے گئے اور پولیس اہلکاروں کا کھوڑسوار دستہ سمندر کے کنارے گشت کر رہا ہے۔ سمندر کنارے لوگوں کو سمندر میں نہانے سے بچنے کی تنبیہ والے بورڈ بھی لگائے جائیں گے۔ وہیں سمندر کی لہروں سے بچانے کے لئے بچاؤ ٹیم بھی تعینات رہیں گے۔ انھوں نے کہا کہ آس پاس کے علاقوں سے مچھواروں کی ٹیم اور140فیصد تیراکوں کی ٹیم کو بھی کسی بھی ہنگامی حالات سے نمٹنے کے لئے لائف گارڈ کے طور پر تیار رکھا جائے گا۔ اس کے علاوہ دیگر احتیاطی طریقے بھی کئے گئے ہیں۔

یو این آئی