ہم جنس پرست جوڑے کے والدین کی کونسلنگ کی جائے: مدراس ہائیکورٹ

مدراس ہائی کورٹ نے ہم جنس پرست جوڑے کے مخالف والدین کی کونسلنگ کرنے کی ہدایت دی۔

ہم جنس پرست دو لڑکیوں کی حفاظت کو یقینی بنانے کےلیے داخل کی گئی درخواست پر سماعت کرتے ہوئے جسٹس این آنند وینکٹیش نے جوڑے کے والدین کی کونسلنگ کرنے کا حکم دیا۔

گذشتہ پیر کے روز دونوں فریقین عدالت میں پیش ہوئے۔ عدالت نے درخواست گذار اور ان کے والدین کو صلاح و مشورہ کرنے اور اپنے اپنے موقف کو سمجھانے کےلیے تبادلہ خیال کرنے کا حکم دیا۔

پہلی درخواست گذار 22 برس کی ہیں جبکہ بی ایس سی کے بعد ایم بی اے کی تعلیم حاصل کر رہی ہیں جبکہ دوسری درخواست گذار کی عمر 20 برس کی ہے۔ دونوں تقریباً 2 سال سے ایک دوسرے کو جانتے ہیں۔ ان دونوں نے عدالت کے روبرو اپنا بیان درج کرایا کہ ’ان کی دوستی محبت میں تبدیل ہوچکی ہے اور وہ دونوں زندگی بھر ایک دوسرے کے ساتھ رہنا چاہتے ہیں۔