Stalin on Sanatan سناتن ڈینگی اور ملیریا کی طرح ہے، اسے ختم کردینا چاہیے، سی ایم اسٹالن کے بیٹے کا متنازع بیان

تملناڈو کے وزیراعلیٰ ایم کے اسٹالن کے بیٹے ادے ندھی اسٹالن نے ایک متنازع بیان میں سناتن دھرم کا موازنہ ڈینگی اور ملیریا سے کرتے ہوئے اسے ختم کرنے کی اپیل کی۔ انہوں نے کہا کہ سناتن دھرم سماجی انصاف اور مساوات کے خلاف ہے۔ ان کے اس بیان بی جے پی رہنماؤں سے دیگر لوگوں نے مذمت کی ہے۔ Amit Malviya slams Udhayanidhi Stalin Sanatana comment

چنئی: تمل ناڈو میں حکمراں ڈی ایم کے حکومت میں نوجوانوں کی بہبود اور کھیلوں کے وزیر اور سی ایم ایم کے اسٹالن کے بیٹے ادے ندھی اسٹالن نے سناتن مذہب پر متنازع بیان دیتے ہوئے کہا کہ 'سناتن ایک سنسکرت نام ہے۔ یہ سماجی انصاف اور مساوات کے خلاف ہے۔ اپنے بیان میں ادھیانیدھی نے سناتن دھرم کا موازنہ ڈینگو اور ملیریا سے کیا۔ انہوں نے کہا کہ سناتن کی صرف مخالفت نہیں کرنی چاہیے۔ بلکہ اسے ختم کر دینا چاہیے۔ ایجنسی کے مطابق ادے ندھی نے سنیچر کو 'سناتن کا خاتمہ' کے عنوان سے منتعقدہ ایک کانفرنس میں دیے گئے اپنے بیان میں کہا، 'سناتن دھرم سماجی انصاف اور مساوات کے خلاف ہے۔ کچھ چیزیں ایسی ہوتی ہیں جن کی مخالفت نہیں کی جا سکتی، انہیں ختم کر دینا چاہیے۔ ہم ڈینگی، مچھر، ملیریا یا کورونا کی مخالفت نہیں کر سکتے۔ ہمیں اسے مٹانا ہوتا ہے۔ اسی طرح سناتن کو بھی مٹا دینا چاہیے۔

سناتم دھرم کے بارے میں کیے گئے تبصروں کے بعد ریاستی وزیر ادے ندھی اسٹالن کی مشکلات میں اضافہ ہوتا نظر آرہا ہے۔ ایک طرف کانگریس نے ان کے بیان سے خود کو الگ کر لیا ہے تو دوسری طرف دہلی میں سپریم کورٹ کے ایک وکیل نے دہلی پولیس سے شکایت کرتے ہوئے ایف آئی آر درج کرنے کا مطالبہ کیا ہے۔

بی جے پی آئی ٹی سیل کے سربراہ امت مولویہ کا رد عمل

وہیں بھارتیہ جنتا پارٹی (بی جے پی) آئی ٹی سیل کے سربراہ امیت مالویہ نے ادے ندھی اسٹالن کے بیان پر شدید نکتہ چینی کی۔ امیت مالویہ نے ایکس (سابقہ ٹویٹر) پر ایک پوسٹ میں کہا کہ 'تمل ناڈو کے سی ایم ایم کے اسٹالن کے بیٹے اور ڈی ایم کے حکومت میں وزیر ادھیانیدھی اسٹالن نے سناتن دھرم کو ملیریا اور ڈینگو سے جوڑا ہے۔ ان کا خیال ہے کہ اس کی نہ صرف مخالفت کی جانی چاہیے بلکہ اسے ختم بھی کرنا چاہیے۔ امیت مالویہ نے کہا کہ مختصراً وہ سناتن دھرم میں یقین رکھنے والی بھارت کی 80 فیصد آبادی کی نسل کشی کا مطالبہ کر رہے ہیں۔''

مالویہ نے اس معاملے پر اپوزیشن اتحاد ''انڈیا'' پر بھی حملہ کیا۔ واضح رہے کہ ڈی ایم کے (دراویڈ منیترا کزگم) اپوزیشن اتحاد میں شامل ہے۔ بی جے پی آئی ٹی سیل کے سربراہ امیت مالویہ نے پوچھا کہ 'کیا ممبئی میٹنگ میں اس پر اتفاق ہوا؟ انہوں نے اسٹالن کی تقریر کا ایک ویڈیو ہندی سب ٹائٹل کے ساتھ پوسٹ کیا۔' مالویہ نے ایک اور پوسٹ میں لکھا کہ 'راہل گاندھی محبت کی دُکان (محبت کی دکان) کی بات کرتے ہیں، لیکن کانگریس کے اتحادی ڈی ایم کے، کے رہنما سناتن دھرم کو ختم کرنے کی بات کر رہے ہیں۔ کانگریس کی خاموشی اس نسل کشی کی کال کی توثیق ہے۔ اگر موقع ملا تو اتحاد 'انڈیا' اپنے نام کے مطابق صدیوں پرانی تہذیب 'بھارت' کو تباہ کر دے گا۔

امت مالویہ کو ادے ندھی کا جواب

امیت مالویہ کی پوسٹ کا جواب دیتے ہوئے، ادے ندھی نے ایک پر لکھا کہ ''میں نے سناتن دھرم کے ماننے والوں کی نسل کشی کا کبھی مطالبہ نہیں کیا۔ سناتن دھرم ایک ایسا اصول ہے جو لوگوں کو ذات پات اور مذہب کے نام پر تقسیم کرتا ہے۔ سناتن دھرم کو جڑ سے اکھاڑ پھینکنا انسانیت اور انسانی مساوات کو بچانا ہے۔''

وہیں تملناڈو بی جے پی کے ریاستی صدر کے انامالائی نے بھی ادے ندھی اور ان کے والد، تمل ناڈو کے وزیر اعلی ایم کے اسٹالن پر عیسائی مشنریوں کے 'خیالات' کو دہرانے کا الزام لگایا۔ انہوں نے کہا کہ 'گوپالپورم خاندان کا واحد مقصد جی ڈی پی سے زیادہ پیسہ کمانا ہے۔ آپ، آپ کے والد، یا وہ یا آپ کے آئیڈیل کے پاس عیسائی مشنریوں سے خریدے ہوئے خیالات ہیں۔ آپ جیسے لوگ بدنیتی پر مبنی اپنے نظریے کو دہراتے رہتے ہیں۔ " انامالائی نے ایکس پر ایک پیغام میں لکھا۔

اس سے پہلے سنیچر کو ادے ندھی اسٹالن نے کہا تھا کہ 'سناتن دھرم ملیریا، ڈینگی اور کورونا کی طرح ہے۔ اس کی مخالفت نہ کریں، اسے ختم کریں۔ انہوں نے کہا کہ 'میں اس کانفرنس کے منتظمین کا شکریہ ادا کرتا ہوں کہ انہوں نے مجھے خصوصی تقریر کرنے کا موقع دیا۔ آپ نے کانفرنس کا نام 'سناتن مخالف کانفرنس' کے بجائے 'سناتن کا خاتمہ کانفرنس' رکھا ہے، میں اس کی تعریف کرتا ہوں۔ ان کا مزید کہنا تھا کہ کچھ چیزوں کی مخالفت نہیں کی جا سکتی، انہیں ختم کر دینا چاہیے۔ ہم ڈینگی، مچھر، ملیریا یا کورونا کی مخالفت نہیں کر سکتے، ہمیں اسے ختم کرنا ہوتا ہے۔ اسی طرح سناتن کی مخالفت نہیں کرنی ہے، بلکہ اس کو ختم کر دینا چاہیے۔'

(اے این آئی)