کشمیر: بارش اور برفباری کی پیش گوئی

جموں و کشمیر کے محکمہ موسمیات نے وادی کشمیر میں سنیچر شام تک بارش اور برفباری کی پیش گوئی کی ہے۔

محکمہ موسمیات کی پیش گوئی کے مطابق وادی کشمیر کے میدانی علاقوں میں درمیانہ درجے کی بارش کے علاوہ بالائی علاقوں میں برفباری ہونے کی متوقع ہے۔

محکمہ موسمیات کے ڈائریکٹر سونم لوٹس کے مطابق یکم مارچ اتوار سے موسم میں بہتری متوقع ہے جبکہ 5 اور 6 مارچ کو ہلکی بوندا باندی کی امید ہے۔

واضح رہے کہ موسم میں بدلاؤ کے چلتے وادی کے درجہ حرارت میں کمی واقع ہوئی ہے اور سرینگر میں جمعے کو 9 ڈگری درجہ حرارت درج کیا گیا۔