سرینگر میں عدم شناخت لاش برآمد

سرینگر کے ڈلگیٹ علاقے میں برآمد کی گئی لاش کی شناخت کے لیے پولیس نے عوام سے تعاون کی اپیل کی ہے۔ Unidentified Body found in Dalgate

سرینگر:جموں وکشمیر کی گرمائی راجدھانی سرینگر کے ڈلگیٹ علاقے میں بدھ کے روز ایک عدم شناخت لاش برآمد کی گئی ہے۔ سرینگر پولیس کا کہنا ہے کہ کہ بدھ کے روز چند مقامی افراد نے سلیمان کمپلیکس کے نزدیک ایک لاش دیکھی جے کے بارے میں انہوں نے پولیس کو مطلع۔ پولیس کا کہنا ہے کہ اطلاع موصول ہوتے ہی رام منشی باغ پولیس اسٹیشن کی ایک ٹیم موقع پر پہنچی جہاں انہوں نے ایک بزرگ کی لاش کو اپنی تحویل میں لے لیا۔

سرینگر پولیس کا کہنا ہے کہ پولیس ٹیم نے لاش کو شناخت سمیت دیگر لوازمات کے لیے ایس ایم ایچ ایس اسپتال منتقل کر دیا۔ جہاں پوسٹ مارٹم سمیت دیگر لوازمات کو پورا کیا جائے گا۔ پولیس کا کہنا ہے کہ شناخت ہونے تک لاش کو مردہ خانہ میں ہی رکھا جائے گا۔ ادھر، پولیس نے اس ضمن میں کیس درج کرکے مزید کارروائی شروع کر دی ہے۔ دریں اثنا پولیس نے اس ضمن میں لاش کی شناخت کے لیے عوام سے تعاون طلب کیا ہے۔

واضح رہے کہ سرینگر سمیت وادی کے طول و ارض میں رواں برس اس طرح کے متعدد واقعات رونما ہوئے جس دوران راہگیروں نے ندی نالوں، باغات یا سڑک کے کنارے افراد کو مردہ حالت میں پایا۔ ان افراد میں نوزائدہ، پیر و جواں حتی کہ غیر مقامی باشندے بھی شامل ہیں۔ پولیس کی جانب سے ان معامات کی تحقیق بھی عمل میں لائی جاتی ہے بعض معاملات قتل جبکہ بعض قدرتی اموات بھی ثابت ہوتی ہیں۔