اگلے پانچ سالوں میں بے روزگاری ختم ہوجائے گی: منوج سنہا

دارالحکومت سرینگر میں واقع ایس کے آئی سی سی میں یوتھ انگیجمنٹ اینڈ آوٹ ریچ کے عنوان پر ایک ورکشاپ کا انعقاد کیا گیا

جموں و کشمیر کے لیفٹیننٹ گورنر منوج سنہا نے ہفتے کے روز کہا کہ 'انتظامیہ کی طرف سے روزگار کے سلسلے میں ایک پالیسی مرتب کی جارہی ہے اور آئندہ پانچ سالوں میں بے روزگاری ختم ہوجائے گی۔'

تفصیلات کے مطابق دارالحکومت سرینگر میں واقع ایس کے آئی سی سی میں یوتھ انگیجمنٹ اینڈ آوٹ ریچ کے عنوان پر ایک ورکشاپ کا انعقاد کیا گیا جس میں ملک کے بڑے کاروباری گھروں نے ورکشاپ میں حصہ لیا اور اس بات پر غور کیا کہ بے روزگاری کے خاتمے کے لئے کیا کیا جاسکتا ہے۔

ورکشاپ کے موقع پر خطاب کرتے ہوئے کہا منوج سنہا نے کہا کہ آج کے ورکشاپ کا مقصد نوجوانوں کو مناسب مشورے دینا تھا۔ انہوں نے کہا حکومتی سطح پر ہم روزگار کی پالیسی پر کام کر رہے ہیں اور اگلے پانچ سالوں میں بے روزگاری ختم ہوجائے گی'

ورکشاپ میں متعدد سینئر سرکاری عہدیداروں نے بھی شرکت کی اور وفد سے بات چیت کی اور انہیں جموں و کشمیر کی صورتحال سے آگاہ کیا۔