کشمیر اکنامک الائنز کے سربراہ محمد یاسین خان کو نو مہینے قید میں رہنے کے بعد پیر کو آگرہ جیل سے رہا کر دیا گیا ہے۔
خان کے گھر والوں کا کہنا ہے کہ ’’ہفتے کے روز انتظامیہ نے ان پر عائد پبلک سیفٹی ایکٹ کو منسوخ کرنے کا فیصلہ کیا۔ جس کے بعد آج ان کی رہائی عمل میں لائی گئی اور اس وقت وہ سرینگر کی جانب روانہ ہو چکے ہیں۔‘‘
ان کا مزید کہنا تھا کہ ’’خان کو بھی دفعہ 370 اور 35 اے کے خاتمے سے کچھ دیر قبل گرفتار کیا گیا تھا اور بعد میں ان پر پبلک سیفٹی ایکٹ بھی عائد کیا گیا۔‘‘
واضح رہے کہ گزشتہ دو ہفتوں میں جموں وکشمیر انتظامیہ نے اتر پردیش، ہریانہ اور یوٹی کی جیلوں میں قید وادی کے 69 باشندگان پر سے پبلک سیفٹی ایکٹ منسوخ کیا ہے۔ یہ قدم ملک بھر میں کرونا وائرس کے پھیلاؤ کے پیش نظر جیلوں میں بھیڑ کم کرنے کے لیے اٹھایا جا رہا ہے۔
