جنوبی کشمیر میں ضلع اننت ناگ کے پہلگام علاقے میں پیر کو سرینگر سے تعلق رکھنے والے 19 سالہ لڑکے کی پراسرار حالت میں موت ہوگئی۔
فوت ہونے والے نوجوان کی شناخت سرینگر کے خانیار علاقہ سے تعلق رکھنے والے 19 سالہ مبشر سجاد ڈار ولد سجاد احمد ڈار کے طور پر ہوئی ہے۔
بتایا جا رہا ہے کہ مبشر اپنے ساتھی کے ساتھ اتوار کی سہ پہر پہلگام کے ایک ہوٹل میں ٹھہرے تھے۔ تاہم پیر کی صبح انہیں بے ہوشی کی حالت میں پایا گیا جس کے بعد مبشر کو فوری طور سرکاری میڈیکل کالج اننت ناگ منتقل کیا گیا۔
میڈیکل کالج کے ڈاکٹروں نے اسے مردہ قرار دے دیا، اور جی ایم سی میں مبشر کا پوسٹ مارٹم کیا جا رہا ہے۔ طبی و قانونی لوازمات کے بعد لاش کو آخری رسومات کے لیے لواحقین کے سپرد کیا جائے گا۔
پولیس کی جانب سے معاملہ کی تحقیقات کی جا رہی ہے اور اس کی موت کی وجوہات کا پتہ لگایا جا رہا ہے۔
