مٹی کے تودے گرنے کے سبب سرینگر جموں قومی شاہراہ بند

سرینگر جموں قومی شاہراہ پر ضلع رام بن کے مکرکوٹ علاقے میں مٹی کے تودے گر آنے کے سبب شاہراہ کو ٹریفک کی نقل حمل کے لیے بند کر دیا گیا ہے۔

اتوار کو آمد و رفت کے لیے بحال ہونے کے بعد پیر کو مٹی کے تودے گر آنے کے سبب سرینگر - جموں قومی شاہراہ کو ٹریفک کی آمد و رفت کے لیے پھر سے بند کر دیا گیا۔

سرکاری ذرائع کے مطابق پیر کو ضلع رام بن کے مکرکوٹ علاقے میں مٹی کے تودے گر آنے کے سبب شاہراہ ٹریفک کے لیے بند کر دی گئی۔

انہوں نے کہا کہ شاہراہ کو بحال کرنے کا کام تیزی سے چل رہا ہے اور شام تک یک طرفہ ٹریفک بحال ہونے کی امید ہے۔

قابل ذکر ہے کہ سرینگر - جموں قومی شاہراہ گزشتہ ہفتے برفباری کے سبب کئی روز تک ٹریفک کی نقل و حمل کے لیے بند تھی۔