ڈائریکٹر سکمز کی طرف سے اس سلسلے میں تمام طبی اور نیم عملے کے لیے باضابطہ طور پر ایک حکمنامہ جاری کردیا گیا ہے۔ جاری کردہ حکمنامے میں یہ کہا گیا ہے کہ یہ اقدام کورونا وائرس کی تیزی سے بڑھ رہی دوسری لہر کے پیش نظر اٹھایا گیا ہے۔
واضح رہے کہ اس سے قبل ڈائریکڑ ہیلتھ سروسز کشمیر کی جانب سے بھی اسی طرح کا حکمنامہ جاری کیا گیا ہے جس میں تمام اضلاع کے سی ایم اوز اور ڈی ڈی اوز سے کہا گیا کہ وہ مٹرینٹی چھٹی اور میڈیکل ایمرجنسی کو چھوڑ کر طبی اور نیم طبی عملے کی ان تمام چھٹیوں کو منسوخ کردیں جو یا تو منظور کی گئی یا جو منظوری کے لئے زیر غور ہیں۔