مرحوم مولانا قاسم شاہ کے یوم وصال پر خراج تحسین پیش

انجمن نصرت الاسلام کی جانب سے جاری کردہ بیان میں کہا گیا کہ مولانہ محمد قاسم شاہ کی خدمات ملت کشمیر کے لیے انتہائی قابل قدر اور بیش بہا اثاثہ ہیں جنہیں کشمیری قوم کبھی بھی فراموش نہیں کر سکتے ہیں۔

تعلیمی انجمن نصرت الاسلام نے کشمیر کے نامور، مایہ ناز اور سرکردہ بزرگ اور عالم دین مولانا محمد قاسم شاہ بخاری کے ان کے 22 یوم وصال پر زبردست خراج عقیدت ادا کیا۔

انجمن نے اپنے جملہ اراکین خاص کر نظر بند رکھے گئے صدر انجمن مولوی محمد عمر فاروق نے مرحوم مولانا قاسم شاہ بخاری کی جلیل القدر خدمات پر انہیں خراج تحسین پیش کیا۔

انجمن نصرت الاسلام کی جانب سے جاری کردہ بیان میں مولانا قاسم شاہ کی طویل ترین تعلیمی، تدریسی، تصنیفی، تبلیغی اور تفسیری خدمات کو یاد کرتے ہوئے کہا کہ ان کی خدمات ملت کشمیر کے لیے انتہائی قابل قدر اور بیش بہا اثاثہ ہیں جنہیں کشمیری قوم کبھی بھی فراموش نہیں کر سکتے ہیں۔

بیان میں انجمن نصرت الاسلام نے مزید کہا کہ یہ بات باعث اعزاز ہے کہ مولانا قاسم شاہ بخاری کے قابل مخر شاگردوں میں انجمن کے سابق سربراہ مولوی محمد فاروق سمیت درجنوں ہم عصر علماء، فضلاء، مفتان کرام، ادیب اور دانشور شامل ہیں۔ جنہوں نے جموں و کشمیر عوام کے لیے ناقابل فراموش خدمات انجام دیے ہیں۔