سوپور:'سڑک سرکشا جیون رکشا' کے تحت پروگرام

سوپورمیں 'سڑک سرکشا جیون رکشا' کے تحت ایک نجی اسکول میں پروگرام کا اہتمام کیا گیا جس میں اسکول کے بچوں نے بھی شرکت کی، ساتھ ہی ایڈیشنل کمشنر سوپور، اے آر ٹی او سوپور، ایس ڈی پی او سوپور، اسٹیشن ہاؤس آفیسر سوپور کے علاوہ باقی اعلی افسران و دیگر مہمان خصوصی بھی موجود رہے۔

شمالی کشمیر کے قصبہ سوپور میں ایک پروگرام 'سڑک سرکشا جیون رکشا' کے تحت سوپور کے ایک نجی اسکول میں منعقد کیا گیا۔ اس پروگرام کا مقصد یہ تھا کہ ڈرائیوروں کو گاڑی کس طرح سے چلانا چاہئے اور گاڑی چلانے کے دوران اپنے آپ کو محفوظ رکھنے کے ساتھ ساتھ دوسروں کی بھی جان بچانا چاہئے۔

اس حوالے سے اے آر ٹی او بارہمولہ مبشر جان نے خطاب کر کے سامعین کو اس بات سے باخبر کیا کہ 'آئے دن کشمیر میں حادثات رونما ہوتے رہتے ہیں، اس کی وجہ صرف یہی ہے کہ ہم گاڑی صحیح طریقے سے نہیں چلاتے ہیں جس کی وجہ سے ہم خود کے ساتھ ساتھ دوسروں کو بھی ہلاکت کے دہانے پر لا کھڑا کرتے ہیں۔'

مزیدد پڑھیں:جموں و کشمیر میں انسانی حقوق کی پامالی جاری: رپورٹ

اس پروگرام میں ایس ڈی پی او سوپور راجہ ماجد اور اسٹیشن ہاوس آفیسر سوپور عازم اقبال خان نے بھی اس پروگرام میں اپنی بات سامنے رکھ کر لوگوں سے پر زور اپیل کی کہ خود کے ساتھ ساتھ دوسروں کو بھی گاڑی چلانے کے دوران ٹریفک قوانین کا خاص خیال رکھنا چاہیے، تبھی ہم کو حادثوں سے نجات مل سکے گی۔