جموں و کشمیر: کووڈ-19 رینڈم سمپلینگ میں 18 افراد مثبت‎‎

مرکز کے زیرانتظام جموں و کشمیر کے ضلع رامبن کی پنچایت کنفرچندرکورٹ میں کووڈ-19 رینڈم سمپلینگ میں 18 افرادکی رپورٹ مثبت‎‎ آنے کے بعد جموں و کشمیربنک چندرکورٹ کے آٹھ دکانوں کوسیل کردیا گیا ہے۔

عالمی وبا کورونا وائرس کے بڑھتے معاملات پر روک تھام کے لیے نائب سرپنچ چندرکورٹ کفایت علی نے پنچایت گھر چندرکورٹ میں عام شہریوں اور سرکاری محکموں کے ملازمین کے لیے محکمہ صحت کی جانب سے رضاکارانہ طور رپیڈٹیسٹ میں 194 سیمپل لیے، جن میں 17 افراد کی رپورٹ مثبت آئی ہے، ان میں دو جموں کشمیر بنک کے ملازم ہیں، جبکہ چار افراد محکمہ پی ڈی سی اور ایک کے کے کمپنی کے ملازم اور آٹھ مقامی دکاندار شامل ہیں۔

اس تعلق سے نائب تحصیلدار چندرکورٹ نے بتایا کہ قومی شاہراہ پر واقع پنچایت کنفر چندرکوٹ میں کئی افراد کے کورونا مثبت آنے کے بعد جموں کشمیر بنک کی شاخ چندرکورٹ کو تین دنوں تک بند کر رکھنے کا حکم دیا گیا ہے اور سات دکانوں کو دس دن تک بند رکھنے کے ساتھ ان سبھی مثبت مریضوں کو دس دنوں تک گھروں میں قرنطینہ کیا گیا ہے۔

واضح رہے کہ ضلع رامبن میں عالمی وبا کورونا وائرس کے مثبت معاملات کی تعداد 922 ہوگئی ہے جن میں 666 افراد صحتیاب ہو چکے ہیں اور دیگر 252 کا علاج چل رہا ہے وہیں اس مہلک وبا سے 4 افراد فوت ہو چکے ہیں۔