دل کا دورہ پڑنے سے سکیورٹی گارڈ کی موت

جموں و کشمیر اپنی پارٹی کے صدر الطاف بخاری کے بھائی کی حفاظت پر مامور سکیورٹی گارڈ کی دل کا دورہ پڑنے سے موت ہوگئی۔

پیر کے روز سرینگر شہر کے شیخ باغ میں مذکورہ سکیورٹی اہلکار کی دل کا دورہ پڑنے سے موت ہوگئی۔ وہ اپنی پارٹی کے سربراہ الطاف بخاری کے بھائی طارق بخاری کی رہائش گاہ اور اپنی پارٹی کے دفتر پر حفاظت پہ مامور تھے۔

جموں و کشمیر پولیس سے منسلک اس سکیورٹی اہلکار کی شناخت 11 بٹالین کے شوکت احمد کے نام سے ہوئی ہے جو طارق بخاری کی رہائش گاہ پر تعینات تھا-

پیر کو صبح انہیں دل کا دورہ پڑ گیا۔ اگرچہ انہیں فوری طور پر ایس ایم ایچ ایس اسپتال سرینگر پہنچایا گیا۔ تاہم ڈاکٹروں نے ان کے ہسپتال پہنچتے ہی ان کی موت کی تصدیق کر دی۔