ریاست مہاراشٹرا کے پونے شہر سے تعلق رکھنے والے نتن سوناوانے اپنے سفر میں لوگوں کو عدم تشدد اور امن و محبت کا راستہ اختیار کرنے کا پیغام پہنچا رہے ہیں۔ 42ہزار کلومیٹر کا سفر نتن نے زیادہ تر پیدل اور سائیکل پر ہی طے کیا ہے اور اس وقت وہ وادی کشمیر میں موجود ہیں۔
دنیا بھر میں امن و محبت کا پیغام پہنچانے والے نتن سوناوانے سے خاص ملاقات
مہاتما گاندھی اور گوتم بدھ کی تعلیمات خصوصا عدم تشدد کا راستہ اختیار کرکے امن و محبت کا پیغام دنیا بھر کے لوگوں تک پہچانے والے نتن گزشتہ پانچ برسوں سے سفر کر رہے ہیں اور اس وقت وہ سرینگر میں موجود ہیں۔
گوتم بدھ اور مہاتما گاندھی کی تعلیمات سے متاثر ہونے والے نتن رواں برس اکتوبر کی دو تاریخ کو دارالحکومت دہلی میں اپنے سفر کا اختتام کرینگے۔