راجناتھ سنگھ سرینگر پہنچے

وادی گلوان میں چین اور بھارت کے درمیان مئی سے کشیدگی بڑھنے کے بعد وزیر دفاع راجناتھ سنگھ کا لداخ کا یہ پہلا دورہ ہے۔

بھارت کے وزیر دفاع راجناتھ سنگھ سرینگر پہنچ چکے ہیں۔ وہ جموں و کشمیر کی سکیورٹی صورتحال کا جائزہ لیں گے۔

اطلاعات کے مطابق وہ جموں و کشمیر کے سرحدی علاقوں کا بھی دورہ کرنے والے ہیں۔

قابل ذکر ہے کہ انہوں نے اپنا لداخ دورہ مختصر کیا ہے۔

بتادیں کہ وادی گلوان میں چین اور بھارت کے درمیان ماہ مئی سے کشیدگی شدت اختیار کرنے کے بعد یہ موصوف وزیر دفاع کا لداخ کا پہلا دورہ ہے۔ اس موقع پر چیف آف ڈیفنس اسٹاف جنرل بپن راوت اور چیف آف آرمی سٹاف جنرل منوج مکند ناروانے بھی ان کے ہمراہ ہیں۔

قبل ازیں راجناتھ سنگھ نے اپنے ایک ٹویٹ میں کہا تھا: 'جموں و کشمیر اور لداخ کے دو روزہ دورے کے لئے لیہہ جارہا ہوں، سرحدوں پر مختلف علاقوں کا دورہ کر کے تازہ صورتحال کا جائزہ لوں گا اور ان علاقوں میں تعینات مسلح فوجی جوانوں کے ساتھ ملاقات کروں گا'۔