ڈی ڈی سی کے نومنتخب عہدیداران کے لیے پروٹوکول طے

ضلع ترقیاتی کونسل کے چیئرپرسن، نائب چیئرپرسن اور ممبران کے وارنٹ آف پریسیڈنس جاری کرتے ہوئے ان کی تنخواہیں بھی مقرر کر دی گئی ہیں۔

جموں و کشمیر انتظامیہ نے حالیہ نو منتخب ہوئے ضلع ترقیاتی کونسل کے چیئرپرسن، نائب چیئرپرسن اور ممبران کے وارنٹ آف پریسیڈنس جاری کرتے ہوئے ان کی تنخواہیں بھی مقرر کی ہے۔

حکمنامہ کے مطابق ڈی ڈی سی چیئرپرسن پروٹوکول میں انسپکٹر جنرل، صوبائی کمشنر اور ایڈمنسٹریٹو سکریٹری کے مقام پر ہوں گے۔ جبکہ نائب چیئرپرسن یونیورسٹیز کے وائس چانسلر کے پروٹوکول پر ہونگے اور ڈی ڈی سی کے ممبران ضلع مجسٹریٹ، سیشن ججز کے پروٹوکول پر ہوں گے۔

دریں اثناء انتظامیہ نے ڈی ڈی سی ممبران کی تنخواہ مقرر کرتے ہوئے چیئرپرسن کی ماہانہ تنخواہ 35 ہزار، نائب چیئرپرسن کی 25 ہزار جبکہ ڈی ڈی سی ممبران کی تنخواہ 15 ہزار مقرر کی گئی ہے۔