پی آر سی رکھنے والوں کو ملے گا ڈومیسائل سرٹیفکیٹ

جموں و کشمیر انتظامیہ نے آج متعلقہ حکام کو ہدایات دی ہیں کہ وہ یونین ٹریٹری کے مستقل رہائشی اسناد یا پرمننٹ ریسیڈینس سرٹفیکیٹ (پی آر سی) رکھنے والوں کو ڈومیسائل سرٹیفیک جاری کریں۔

جنرل ایڈمنسٹریشن ڈیپارٹمنٹ کی طرف سے جاری ایک حکمنامے میں کہا گیا ہے: 'ضابطہ 5 کی شق ایک (اے) اور چار (اے) کے تحت ڈومیسائل سند کے اہل فرد کو صرف مستقل رہائشی سند کی بنیاد پر ڈومیسائل سرٹیفکیٹ اجرا کی جائے گی اور اس کی متعلقہ حکام کی طرف سے کوئی مزید تصدیق یا تفتیش نہیں ہوگی'۔

حکمنامے میں مزید کہا گیا ہے کہ ایسے کیسز میں متعلقہ حکام درخواست موصول ہونے کے بعد پانچ ورکنگ ایام میں ڈومیسائل اسناد جاری کریں گے۔ قبل ازیں انتظامیہ نے ڈومیسائل اسناد کی اجرائی کے لئے پندرہ روز مقرر کئے گئے تھے۔

دریں اثنا محکمہ اطلاعات و تعلقات عامہ نے اپنے آفیشل ٹویٹر ہینڈل پر ایک ٹویٹ میں کہا ہے: 'مستقل رہائشی اسناد رکھنے والوں اور مہاجروں کو حکومت نے ڈومیسائل سرٹیفکیٹ کی اجرائی کے لئے پانچ ورکنگ ایام مقرر کئے ہیں۔ پہلے مقرر شدہ پندرہ دنوں کو کم کیا گیا ہے۔ عمل کو انتہائی آسان بنایا گیا ہے'۔