کشمیر میں 15 اگست پر کوئی پابندی نہیں ہوگی،صوبائی کمشنر کشمیر
سرینگر:صوبائی کمشنر کشمیر وجے کمار بدھوری نے کہا کہ یوم آزادی کے موقعے پر وادی کشمیر میں کسی قسم کی پابندی نہیں ہوگی جبکہ انٹرنیٹ سروس بھی آسانی سے کام کریں گے۔ہفتے کو روز میڈیا نمائندوں سے بات کرتے ہوئے صوبائی کمشنر نے کہا کہ یوم آزادی کے پرُ امن انعقاد کے لئے تمام انتظامات کو حتمی شکل دی گئی ہے۔
انہوں نے کہا کہ سرینگر میں سب سے بڑی تقریب کے مقام کو جگہ کی کمی کے پیش نظر ایس کے اسٹیڈیم سے تاریخی بخشی اسٹیڈیم میں تبدیل کیا گیا یے،کیونکہ رواں سال انتظامیہ کو اس تقریب میں لوگوں کی بڑی تعداد میں شرکت کی توقع ہے۔
وجے کمار بدھوری نے لوگوں کو اتوار کی صبح 6 بجے بوٹنیکل گارڈن سے ترنگا ریلی میں شرکت کی دعوت دی, جبکہ 15 اگست ہونے والی مرکزی تقریب میں بھی شرکت کی اپیل کی۔ایسے میں کسی بھی پاس کی کوئی ضرورت نہیں ہوگی اور سب کے لیے کھلی دعوت ہے۔