دیویندر سنگھ کے گھر پر این آئی اے کا چھاپہ

نیشنل انویسٹیگیشن ایجنسی (این آئی اے) نے معطل شدہ پولیس افسر دیویندر سنگھ کے گھر پر چھاپہ ڈال کر تلاشی کاروائی کی۔

اطلاعات کے مطابق این آئی اے نے دیویندر سنگھ کی سرینگر میں سنوار کی رہائش گاہ میں آج صبح چھاپہ ڈال کر ان کے گھر کی تلاشی لی ہے۔

منگل کی دیر شام کو این آئی اے نے دیویندر کے گھر پر تلاشی لی تھی اور ایک کار کو سیز کیا تھا۔

معطل شدہ ڈی ایس پی دویند سنگھ کو پولیس نے 11 جنوری کو سرینگر جموں شاہراہ پر قاضی گنڈ علاقے میں حزب الجاہدین کے کمانڈر نوید بابو کے ساتھ گرفتار کیا تھا جس کے جند دن بعد انہیں این آئی نے اپنی تحویل میں لے لیا تھا۔

دویندر سنگھ پر عسکریت پسندوں کی حمایت کرنے کا الزام ہے۔