لیکس اینڈ واٹر ویز ڈیولپمنٹ اتھارٹی نے سرینگر کے حدود میں غیر قانونی طور سے کھڑے کئےگئے تجاوزات کے خلاف اپنی مہم جاری رکھتے ہوئے کئی تعمیراتی ڈھانچوں کو منہدم کر دیا۔
لیکس اینڈ واٹر ویز ڈیولپمنٹ اتھارٹی کی انفورسمنٹ ونگ نے سرینگر کے مضافات میں واقع چند پورہ ہارون، این ایف آر، تیل بل، سعید کدل اور مین شاہ صاحب رعناواری وغیرہ علاقوں میں انہدامی کاروائی عمل میں لاکر ناجائز اور غیر قانونی طور سے بنائے گئے ڈھانچوں کو منہدم کیا۔
ادھر محکمہ کی جانب سے شبانہ ناکوں کے دوران ان گاڑی مالکان کے خلاف بھی کاروائی کی گئی جو غیر قانونی طور پر خلاف ورزی کے مرتکب افراد کو تعمیرات کے لئے ساز و سامان سپلائی کرتے ہیں۔
یہ بھی پڑھیں: این ای ای ٹی: باسط بلال جموں و کشمیر ٹاپر کیسے بنے؟
اس دوران لیکس اینڈ واٹر ویز ڈیولپمنٹ اتھارٹی کے حدود میں آنے والے باشندوں سے اپیل کی گئی ہے کہ وہ بغیر اجازت نامے کے یا غیر قانونی طور سے رہاشی مکانات بنانے کے علاوہ دیگر تعمیرات کھڑا کرنے سے اجتناب کریں، ورنہ ان کے خلاف قانون کے تحت سخت کاروائی عمل میں لائی جائے گی۔