محبوبہ مفتی کو پریس کانفرنس کی اجازت نہیں دی گئی

پی ڈی پی صدر کی محبوبہ مفتی کی رہائش گاہ پر بڑی تعداد میں سیکیورٹی اہلکاروں کو تعینات کر دیا گیاہے جو میڈیا کے نمائندوں کو ان کی رہائش گاہ تک جانے سے روک رہے تھے۔

کل 28 نومبر سنہ 2020 کو جموں و کشمیر میں ڈسٹرکٹ ڈیویلپمنٹ کونسل (ڈی ڈی سی) کے پہلے مرحلے کا انتخاب ہونا ہے اور اس سے ایک روز قبل سری نگر میں پی ڈی پی کی رہنما محبوبہ مفتی کو کو پریس کانفرنس کی اجازت نہیں دی گئی ہے۔

محبوبہ مفتی اپنی رہائش گاہ پر دو پہر 3 بجے پریس کانفرنس کرنا چاہتی تھیں، لیکن انہیں نہ صرف پریس کانفرنس سے روک دیا گیا، بلکہ میڈیا نمائندوں کو بھی وہاں جانے کی اجازت نہیں دی گئی۔

محبوبہ مفتی نے کہا کہ انہیں صبح کے وقت سیکیورٹی اہلکاروں نے انہیں ان کے گھر میں نظر بند کر دیا تھا۔ محبوبہ مفتی کا کہنا ہے وہ پی ڈی پی کے نوجوان رہنما وحید پرا کے معاملے میں ان کے گھر جا رہی تھیں، تبھی انہیں نظر بند کر دیا گیا۔