پسماندہ طبقوں کے لئے بہبودی قدم اٹھاتے ہوئے لفٹینٹ گورنر منوج سنہا نے جمعہ کو یونین ٹیریٹری کے دور دراز علاقوں میں رہنے والے مریضوں کے لئے ہنگامی صورتحال میں راج بھون کے ہیلی کاپٹروں کے مفت استعمال کو منظوری دی ہے۔
بیک ٹو ولیج پروگرام کے دوران دور دراز علاقوں کا دورہ کرتے ہوئے لفٹینٹ گورنر کو دیہاتوں میں رہنے والوں بالخصوص سخت سردی کے موسم میں جب پہاڑی علاقوں کے رابطے بڑے قصبوں اور ضلع صدر مقامات کے ساتھ منقطع ہو جاتے ہیں اور اس مدت کے دوران گاؤں میں رہنے والوں کو جن مشکلات کا سامنا کرنا پڑتا ہے اس کا اندازہ لگا کر لفٹینٹ گورنر نے یہ قدم اٹھایا ہے۔
اس سلسلے میں ضلع کے ڈپٹی کمشنر اور چیف میڈیکل افسر کو صورتحال کی ہنگامی نوعیت سے متعلق سند مریض کی آمدنی سے متعلق تفاصیل اور مریض کے انخلاءکی وجوہات پیش کرنا ہوگا۔ یہ خدمت خطِ افلاس سے نیچے گزر بسر کرنے والے مریضوں کے ہنگامی انخلاءکیلئے مخصوص ہے، ایسے مریض جو رعایتی شرحوں پر ہیلی کاپٹر سروس جو پہلے ہی دونوں صوبائی کمشنروں کے پاس دستیاب ہے، کے متحمل نہیں ہو سکتے۔ یہ خدمت مفت میں فراہم کی جائے گی۔
