کشمیر یونیورسٹی کے وائس چانسلر کا ڈل جھیل میں جاری صفائی مہم کا معائنہ

ڈل جھیل کی صفائی مہم میں لیکس اینڈ واٹر ویز ڈیولپمنٹ اتھارٹی کو سرکاری اور غیر سرکاری انجمنوں کا بھی تعاون حاصل ہے۔

کشمیر یونیورسٹی کے وائس چانسلر پروفیسر طلعت احمد نے ڈل جھیل میں جاری صفائی مہم کا معائنہ کیا، وہ لیکس اینڈ واٹر ویز ڈیولپمنٹ اتھارٹی (LAWDA) کی جانب سے چلائی جارہی صفائی مہم کا حصہ بنے جو گزشتہ 2 اکتبوبر سے جاری ہے۔

پروفیسر طلعت احمد نے لیکس اینڈ واٹر ویز ڈیولپمنٹ اتھارٹی سمیت سرکاری اور غیر سرکاری تنظیموں کی کاوشوں کی ستائش کی اور انہیں مبارک باد پیش کی۔

انہوں نے امید ظاہر کی کہ ڈل جھیل میں جاری اس صفائی مہم سے مستقبل میں بہتر نتائج سامنے آئے گے۔ طلعت احمد ڈل ڈی ویڈنگ آپریشن میں بھی شامل ہوئے۔

واضح رہے کہ لیکس اینڈ واٹر ویز ڈیولپمنٹ اتھارٹی ڈل جھیل کی صفائی میں اس مرتبہ جدید مشینوں کو بروئے کار لا رہی ہے۔

ڈل جھیل کی صفائی ستھرائی کے لئے متعدد مزدوروں کو بھی کام پر لگایا گیا ہے۔ وہیں اس صفائی مہم میں متعلقہ محکمہ کو دیگر سرکاری اور غیر سرکاری انجمنوں کا بھی برابر تعاون حاصل ہے۔