فوجی ذرائع کے مطابق راجستھان رائفلز کی 105 بٹالین سے منسلک انوپ کمار نے کنٹونمنٹ کے اندر جے سی او پوائنٹ کے نزدیک خود کو پھانسی دے کر مبینہ طور پر خود کشی انجام دی ہے۔
ذرائع کے مطابق اس حوالے سے مزید تحقیقات جاری ہے اور مقامی پولیس کو بھی اطلاع کر دی گئی ہے۔
قابل ذکر ہے کہ گزشتہ روز سرینگر کے کھنموہ علاقے میں ایک فوجی افسر نے سروس رائفل سے خود کو گولی مار کر اپنی زندگی کا خاتمہ کر دیا تھا۔
جموں کشمیر میں فوجی اہلکاروں کی خودکشی اور برادرکشی کے واقعات میں تشویشناک حد تک اضافہ دیکھا جا رہا ہے۔ ماہرین کا کہنا ہے کہ جموں و کشمیر جیسے حساس علاقوں میں طویل عرصہ کام کرنے کی وجہ سے اہلکار ذہنی دباؤ کا شکار ہو جاتے ہیں جس وجہ سے اس قسم کے حادثے پیش آتے ہيں۔