سرینگر کے نواب بازار میں آتشزدگی، دو مکان خاکستر

سرینگر کے شہر خاص علاقہ نواب بازار میں گزشتہ شب اچانک آگ لگنے سے دو مکان پوری طرح سے خاکستر ہوئے۔

تفصیلات کے مطابق شہر خاص کے نواب بازار میں شارٹ سرکٹ کی وجہ سے عبدالرشید واتلوں کے گھر میں آگ لگی۔ جس کی وجہ سے دو مکان پوری طرح سے تباہ ہوئے۔

عینی شاہدین کے مطابق گرچہ مقامی لوگوں اور فائر اینڈ ایمرجنسی سروس نے آگ کو مزید پھیلنے سے روک دیا تاہم آگ کی اس واردات نے آناً فاناً پاس کے ایک اور مکانات کو پوری طرح اپنی چپیٹ میں لے لیا۔

واضح رہے کہ گزشتہ ایک ماہ کے دوران وادی کے مختلف علاقوں میں آتشزدگی کے کئی واقعات پیش آئے جس میں کروڑں روپیوں کا نقصان ہوا۔

گزشتہ ماہ سرینگر کے بٹہ مالو علاقے میں آگ کی ایک واردات میں ایک 5 دکانیں خاکستر ہوگئی تھیں، وہیں کرن نگر میں میں آتشزدگی کا ایک واقع پیش آیا جس میں بھی کئی دکانیں خاکستر ہو گئی تھیں۔