ایل جے کے مشیر کے کے شرما مستعفی

جموں و کشمیر انتظامیہ نے کے کے شرما کو اسٹیٹ الیکشن کمشنر کے عہدہ پر فائز کیا ہے۔

تفصیلات کے مطابق جموں و کشمیر یونین ٹریٹری کے لیفٹیننٹ گورنر منوج سنہا کے مشیر کے کے شرما نے اپنے عہدے سے استعفیٰ دیا ہے، تاہم انہیں سٹیٹ الیکشن کمشنر منتخب کیا گیا ہے۔

کے کے شرما کے استعفیٰ کی جانکاری جموں و کشمیر انتظامیہ کے ترجمان روہت کنسل نے ایک ٹویٹ کرتے ہوئے کیا-

روہت کنسل نے کہا کہ شرما کو اسٹیٹ الیکشن کمشنر کے عہدے پر فائز کیا گیا ہے-

واضح رہے کہ جموں و کشمیر ایل جی کے چار مشیر تھے تاہم اب کے کے شرما کے استعفیٰ ہونے کے بعد انکے تین مشیر ہیں-

سن 1983 بیچ کے آئی اے ایس آفیسر کے کے شرما کو گزشتہ برس نومبر میں لیفٹیننٹ گورنر کے مشیر کے طور پر تعنیات کیا گیا تھا۔ کے کے شرما نے تقریبا 30 سالوں کے کیریئر کے دوران دہلی اور گوا کے چیف سکریٹری سمیت متعدد عہدوں پر فائز رہے ہیں۔