ڈی ڈی سی انتخابات: ایک بجے تک 40.91 فیصد پولنگ

جموں و کشمیر میں آج 28 انتخابی حلقوں کے لیے پولنگ پُرامن طور پر اختتام پذیر ہوگئی۔ آخری مرحلے میں مجموعی طور پر 28 نشستوں پر 40. 91 فیصد پولنگ ریکارڈ کی گئی۔

تفصیلات کے مطابق جموں و کشمیر میں آج ڈی ڈی سی انتخابات کے آٹھویں مرحلے میں 28 حلقوں میں پولنگ اختتام پذیر ہوئی جن میں صوبہ کشمیر میں 13 حلقے اور جموں میں 15 حلقے شامل ہیں۔

آٹھویں مرحلے کے لیے 168 امیدوار میدان میں ہیں، کشمیر کے 13 حلقوں میں 83 امیدوار میدان میں ہیں، جن میں 31 خواتین شامل ہیں۔ وہیں جموں کے 15 حلقوں میں 15 خواتین سمیت 85 امیدوار میدان میں ہیں۔

اس دوران 285 پنچ اور 84 سرپنچ نشستوں پر بھی انتخابات منعقد ہوں گے۔

آخری مرحلے میں چھ لاکھ 30 ہزار 443 رائے دہندگان میں 3 لاکھ 27 ہزار 168 مرد ہیں اور 3 لاکھ 3 ہزار 275 خواتین ووٹرز ہیں۔ انتخابات کے لیے کل 1703 پولنگ اسٹیشن قائم کیے گئے جن میں 1028 کشمیر میں اور 675 جموں میں ہیں۔