جموں و کشمیر: کورونا کے 99 نئے کیسز، تین تازہ اموات

جموں و کشمیر میں 1 لاکھ 27 ہزار 535 افراد کورونا سے متاثر ہوئے ہیں۔ ان میں سے 881 فعال کیسز ہیں، جبکہ 1 لاکھ 24 ہزار 680 افراد صحتیاب ہو گئے ہیں۔

جموں و کشمیر میں گزشتہ 24 گھنٹوں کے دوران کورونا وائرس کے 99 نئے کیسز پائے گئے ہیں، جن میں باہر سے آئے ہوئے 30 مسافر شامل ہیں۔ نئے پائے گئے کیسز میں 24 کا تعلق جموں سے ہے اور 75 کا تعلق کشمیر وادی سے ہے۔ علاوہ 3 افراد کی کووڈ-19 سے موت ہوئی ہے۔

حکام کے مطابق آج ضلع سرینگر میں سب سے زیادہ کیسز 42 پائے گئے ہیں جبکہ ضلع بارہمولہ میں 12، بڈگام میں 6، اننت ناگ میں چار، بانڈی پورہ، گاندربل، پلوامہ اور کولگام میں بالترتیب 2، کیسز پائے گئے ہیں۔

ادھر خطے جموں کے ضلع جموں میں 14 افراد کورونا متاثر ہوئے ہیں۔ اس کے علاوہ ادھمپور اور پونچھ میں ایک ایک کیس جبکہ سانبہ میں دو کیسز پائے گئے ہیں۔تازہ اموات میں دو کا تعلق کشمیر وادی سے ہے جبکہ ایک جموں سے ہے۔

حکام نے بتایا کہ 102 کورونا مریض صحتیاب ہو گئے ہیں اور انہیں مختلف ہسپتالوں سے رخصت کیا گیا ہے۔ صحتیاب مریضوں میں 11 کا تعلق جموں سے ہے اور 91 کا تعلق کشمیر وادی سے ہے۔

انتظامیہ کی جانب سے جاری میڈیا بلیٹن کے مطابق جموں و کشمیر میں 1 لاکھ 27 ہزار 535 افراد کورونا سے متاثر ہوئے ہیں۔ ان میں سے 881 فعال کیسز ہیں، جبکہ 1 لاکھ 24 ہزار 680 افراد صحتیاب ہو گئے ہیں۔ جموں میں 202 فعال کیسز ہیں جبکہ 679 کیسز کشمیر وادی میں ہیں۔

علاوہ ازیں 1974 افراد کی کورونا سے موت واقع ہوئی ہے۔ فوت شدگان میں 730 جموں سے تعلق رکھتے ہیں جبکہ 1244 افراد کشمیر وادی سے تعلق رکھتے ہیں۔