خالد جہانگیر، جے اینڈ کے سرویسز سلیکشن بورڈ کے نئے چئیرمین

جموں و کشمیر حکومت کی جانب سے سیول انتظامیہ میں افسران کے تبادلے اور تقرریاں عمل میں لائی ہیں۔

تازہ حکم نامے کے مطابق ڈپٹی کمشنر گاندربل حشمت علی خان کا تبادلہ کرتے ہوئے انہیں جوائنٹ فائینانشل کمشنر کے عہدہ پر تعینات کیا ہے۔

سیول انتظامیہ میں افسران کے تبادلے اور تقرریاں

جے اینڈ کے سرویسز سلیکشن بورڈ کے چئیرمین بشیر احمد ڈار کو ڈپٹی کمشنر اننت ناگ مقرر کیا گیا۔

اسی طرح سے خالد جہانگیر، جو فی الوقت ڈپٹی کمشنر اننت ناگ کے عہدے پر فائز تھے، کو جے اینڈ کے سرویسز سلیکشن بورڈ کا نیا چیرمین مقرر کیا ہے۔

اسی طرح جوائنٹ فائینانشل کمشنر راجیندر سنگھ تارا کو ڈپٹی کمشنر کشتواڑ کے عہدہ پر تعینات کیا گیا۔

انگریز سنگھ رانا، جو فی الوقت ڈپٹی کمشنر کشتواڑ کے عہدے پر تعینات تھے، کو تبدیل کر جے اینڈ کے سرویسز سلیکشن بورڈ کا ممبر بنایا گیا ہے۔

شفقت اقبال ایڈیشنل ڈپٹی کمشنر گاندبل کو ڈپٹی کمشنر گاندربل کے عہدے پر ترقی دی گئی ہے۔