انسانوں اور پرندوں کے تحفظ کی پہل

کشمیر میں برفباری کے بعد پرندوں کو کھانے کے لئے کچھ بھی ملنا دشوار ہو جاتا ہے، اس لیے غیر سرکاری تنظیم کی جانب سے ان کے لیے دانے کا انتظام کیا جارہا ہے تاکہ ان کے پیٹ بھر سکیں۔

کشمیر کے سرینگر میں 'انجیلز کلچرل اکیڈمی' نامی ایک غیر سرکاری تنظیم کی جانب سے کورونا وبا سے بچنے کے لیے لوگوں کے درمیان ماسک بھی تقسیم کیے گئے۔

عام لوگوں میں کورونا وائرس کے خطرات کے لئے تئیں بیداری پیدہ کرنے کی غرض سے انجیلز کلچرل اکیڈمی کی جانب سے ماسک تقسیم کرنے کی ایک پہل شروع کی گئی۔ تنظیم کی جانب سے سینکڑوں لوگوں کو مفت ماسک تقسیم کیے گئے تاکہ اس سے لوگوں کے درمیان کورونا وائرس کے تعلق سے بیداری پیدا ہو۔ اس کے علاوہ مذکورہ انجمن کی جانب سے پرندوں کے دانے کا بھی انتظام کیا گیا۔

چونکہ وادی کشمیر میں برفباری کے بعد پرندوں خاص کرکے کبوتروں کو کھانے کے لئے کچھ بھی ملنا دشوار ہوجاتا ہے، اسی کو مدنظر رکھتے ہوئے تنظیم کی جانب سے پرندوں کے لئے دانے کا انتظام بڑے پیمانے پر کیا جا رہا ہے۔

اس موقع پر انجیلز اکیڈمی کے چیئرمین طارق احمد نے کہا کہ انہوں نے جو پہل کی ہے اسے وہ مستقبل میں بھی جاری رکھیں گے۔ لوگوں کے درمیان مفت ماسک تقسیم کرنے کے پروگرام کے حوالے سے انہوں نے کہا کہ اس کا مقصد لوگوں کو کورونا وائرس کے خطرات سے باخبر کرنا اور ان میں بیداری پیدا کرنا ہے۔