سرینگر: سکیورٹی فورسز نے بم کو ناکارہ بنا دیا

جموں و کشمیر کے دارالحکومت سرینگر میں سکیورٹی فورسز نے گرینیڈ کا پتہ لگا کر اسے نکارہ بنا دیا۔

اطلاعات کے مطابق پولیس نے سرینگر کے بربر شاہ علاقے میں سی آر پی ایف بنکر کے نزدیک گرینیڈ کا پتا لگایا اور فوری طور پر بم ڈسپوزل اسکوارڈ کو اطلاع دی۔

بم ڈسپوزل اسکوارڈ نے گرینیڈ کو رامباغ علاقے میں لے جا کر ناکارہ بنا دیا ہے اور اس دوران کسی طرح کا جانی یا مالی نقصان نہیں ہوا ہے۔

واضح رہے کہ گزشتہ روز ضلع پلوامہ کے کاکا پورہ علاقے میں مشتبہ عسکریت پسندوں نے پولیس اسٹیشن پر گرینیڈ حملہ کیا۔ گرینیڈ پولیس اسٹیشن کی دیوار سے لگ کر پھٹ گیا جس میں سنٹرل ریزرو پولیس فورس (سی آر پی ایف) کا ایک جوان زخمی ہوا تھا۔