جموں و کشمیر: محکمہ پی ایچ کا نام ’جل شکتی ڈیپارٹمنٹ‘ میں تبدیل

جموں و کشمیر میں محکمہ پی ایچ ای، آبپاشی اور فلڈ کنٹرول کا نام بدل کر ’’جل شکتی ڈیپارٹمنٹ‘‘ رکھا گیا۔

مرکز کے زیر انتظام جموں وکشمیر کی انتظامیہ نے محکمہ پی ایچ ای، آبپاشی اور فلڈ کنٹرول کا نام تبدیل کرکے ’’جل شکتی ڈیپارٹمنٹ‘‘ رکھنے کے احکامات صادر کئے ہیں۔

جموں و کشمیر میں ہفتے کو اس سلسلے میں جنرل ایڈمنسٹریشن ڈیپارٹمنٹ کی جانب سے باضابطہ ایک حکم نامہ جاری کیا گیا ہے جس کے تحت اب محکمہ پی ایچ ای، آبپاشی اور فلڈ کنٹرول کو ضم کرکے ایک ہی نام یعنی ’’جل شکتی ڈیپارٹمنٹ‘‘ رکھا گیا ہے۔

جموں و کشمیر: محکمہ پی ایچ ای اب ’جل شکتی ڈیپارٹمنٹ‘

خیال رہے کہ جموں و کشمیر صاف پانی کے لحاظ سے دنیا بھر میں مشہور ہے یہاں ایشیا کی سب سے بڑی جھیل ’’جھیل ولر‘‘ موجود ہے وہیں سیاحتی لحاظ سے دنیا بھر میں مشہور جھیل ڈل کے علاوہ کئی آبی وسائل موجود ہیں۔

مذکورہ تین محکمے الگ الگ سے کام کرتے تھے لیکن اب انہیں ایک ہی محکمے میں ضم کرکے ’’جل شکتی ڈیپارٹمنٹ‘‘ کا نام دیا گیا ہے۔