کشمیر مسئلے کو حکومت خود ہی بین الاقوامی بنا رہی ہے: پی ایل پنیا

یوروپین یونین کے اراکین پارلیمان کو کشمیر بھیجے جانے پر کانگریس پارٹی کے سینیئر رہنما پی ایل پنیا کی شدید نکتہ چینی ۔

ریاست اترپردیش سے کانگریس پارٹی کے قومی ترجمان پی ایل پنیا نے بارہ بنکی میں ای ٹی وی بھارت سے خصوصی بات چیت میں کہا کہ کشمیر کے حالات ابھی بھی درست نہیں ہیں۔
جس کے وجہ سے ملک کے عوام اور پارلیمنٹ کے ممبران کو کشمیر جانے نہیں دیا جا رہا ہے۔
لیکن وہیں یوروپین یونین کے 27 رکن پارلیمان کو گائیڈید ٹورس پر لے جایا گیا ہے۔
انہوں نے یہ بھی کہا کہ اس پہل سے اگر وہاں کے حالات درست ہوتے ہیں تو اس کا خیر مقدم ہے۔

لیکن وہاں کے حالات تب پرامن نہیں ہوں گے جب تک وہاں سب کو آنے جانے کی اجازت نہیں دیا جاتا۔ پنیا نے کہا کہ اجیت ڈھوبھال کی گائیڈینس میں کشمیر گئے یوروپین پارلیمان کے رد عمل کا ہمیں بھی انتظار ہے، حالانکہ کشمیر مسئلے کو کانگریس نہیں بلکہ حکومت خود ہی بین الاقوامی بنا رہی ہے۔