وادیٔ کشمیر میں پچھلے دو دنوں سے رات کے وقت مسلسل بارش ہورہی ہے۔ بارش کے ساتھ ساتھ شری امرناتھ گپھا میں تازہ برفباری ہونے سے گپھا کے آس پاس سردی میں اضافہ ہوا ہے۔
اس دوران محکمۂ موسمیات نے کہا ہے کہ جموں و کشمیر میں اگلے ایک ہفتے تک "کسی بڑی بارش" کی پیش گوئی نہیں ہے۔
موسم گرما کے دارالحکومت سرینگر میں ہفتہ اور اتوار کی درمیانی شب ہلکی بارش ہوئی جب کہ درجہ حرارت 28.6 ڈگری سینٹی گریڈ ریکارڈ کیا گیا۔ جب کہ کشمیر کے بہت سارے علاقوں میں زیادہ سے زیادہ درجہ حرارت 17.5 ڈگری سینٹی گریڈ ریکارڈ کیا گیا۔
اس دوران اطلاع ملی ہے کہ گپھا اور آس پاس کے علاقوں میں برفباری ہونے کے ساتھ ہی وہاں پر یا اس علاقے کے آس پاس عارضی طور قیام پذیر بکر وال طبقے کے لوگوں نے وہاں سے مال و مویشیوں کے ساتھ نکلنا شروع کیا ہے۔
