سرینگر: کشمیر یونیورسٹی میں آگ کی بھیانک واردات رونما ہوئی،جس میں ایسٹیٹس سٹور میں موجود ساز وسامان جل کر راکھ کی ڈھیر میں تبدیل ہوگیا ہے۔ ہفتے کو کشمیر یونیورسٹی واقع حضرت بل سرینگر کے ایسٹیٹس اسٹور میں اچانک آگ نمودار ہوئی، جو کہ متصل کئی شڈ نما ڈھانچوں میں آناً فاناً پھیل گیا۔اطلاع کے مطابق فائر اینڈ ایمرجنسی سروسز کے عملے نے بروقت کارروائی عمل میں لاکر آگ کو مزید پھیلنے سے بچایا۔
محکمہ فائر اینڈ ایمرجنسی سروسز کے ایک اہلکار نے بتایا کہ کشمیر یونیورسٹی کے ایسٹیٹس اسٹور میں سہ پہر 4 بجکر 45 منٹ پر آگ نمودار ہونے کی اطلاع ملتے ہی عملہ جائے واردات پر پہنچ گیا۔انہوں نے بتایا کہ اسٹور میں گیس سلنڈر زوردار دھماکے کے ساتھ پھٹ گیا، جس کے نتیجے میں آگ نے دیگر شیڈوں کو اپنے لپیٹ لے لیا۔ ادھر پولیس نے آگ لگنے کی وجوہات کا پتہ لگانے کے لیے معاملہ درج کر کے تحقیقات شروع کر دی ہے۔