Farooq Abdullah on Election in Kashmir: محبت اور بھائی چارہ کے بغیر بھارت کی ترقی ناممکن: فاروق عبداللہ

نیشنل کانفرنس کے صدر پارلیمنٹ ڈاکٹر فاروق عبداللہ نے زور دے کر کہا ہے کہ محبت اور بھائی چارہ کے بغیر بھارت کی ترقی ناممکن ہے۔ ترقی یافتہ بھارت کے لیے ڈائیورسٹی ضروری ہے۔ چاہے وہ ڈائیورسٹی زبان کی ہو یا تہذیب وثقافت اور کلچر کی ہی کیوں نہ ہو۔ اگر ہم تنوع نظام کی حفاظت کریں گے تو یہ ملک آباد اور امن وشانتی والا رہے گا۔ ہم امن چاہتے ہیں اور امن کے ساتھ آگے بڑھنا چاہتے ہیں۔ Farooq Abdullah on Election in Kashmir

سری نگر:نیشنل کانفرنس (این سی) کے صدر اور موجودہ رکن پارلیمنٹ، ڈاکٹر فاروق عبداللہ نے پیر کو کہا کہ پیپلز الائنس فار گپکار ڈیکلریشن (PAGD)، جموں و کشمیر میں سیاسی جماعتوں کا ایک مجموعہ، مل کر اسمبلی انتخابات لڑے گا۔ انہوں نے کہا کہ انتخابات کے لیے ماحول سازگار ہے کہ جب سیلاب کے دوران انتخابات ہوسکتے ہیں تو اب کیوں نہیں ہوسکتے۔ سرینگر میں صحافیوں سے بات کرتے ہوئے ڈاکٹر فاروق نے زور دے کر کہا کہ پی اے جی ڈی چھوڑنے والے کبھی بھی اس کا حصہ نہیں تھے کیونکہ وہ اتحاد کو توڑنے کے ارادے سے اتحاد میں شامل ہوئے تھے۔ Farooq Abdullah on Election in Kashmir

اُن کا کہنا تھا کہ "جماعت الگ سے انتخابات نہیں لڑے گی بلکہ متحدہ طور پر عمل میں حصہ لے گی۔" انہوں نے لوگوں سے صبر کی اپیل کرتے ہوئے کہا کہ وہ وقت آئے گا جب اللہ تعالیٰ لوگوں کو موجودہ حالات سے نکلنے میں مدد دے گا۔ اُن کا کہنا تھا کہ "ہم امن چاہتے ہیں اور امن کے ساتھ آگے بڑھنا چاہتے ہیں۔ ہم چاہتے ہیں کہ دشمنی ختم ہو۔ محبت سے ہی ملک ترقی کرے گا اور تنوع کے تحفظ کی ضرورت ہے۔" ’ہر گھر ترنگا‘ کے اقدامات پر انہوں نے کہا کہ ترنگا لوگوں کے دلوں میں لہرانا چاہیے۔

امرناتھ یاترا کے بارے میں بات کرتے ہوئے انہوں نے کہا کہ کشمیریوں نے یاترا کے پرامن انعقاد کو یقینی بنانے میں ہمیشہ مدد اور حمایت کی ہے۔ "وہ اننت ناگ کا ایک مقامی مسلمان تھا، جس نے لنگم کو دریافت کیا اور اس کی اطلاع متن علاقہ کے پنڈتوں کو دی۔ مسلمانوں نے کبھی دوسروں کے مذہب پر انگلیاں نہیں اٹھائیں۔ ہم آہنگی کے ساتھ رہتے ہیں۔ سنہ نبے میں جو ہوا تھا وہ غلط تھا لیکن وہ ہوا ہماری نہیں تھی، باہر کی تھی، اس کا خمیازہ ہم آج تک بھگت رہے ہیں۔"