حریت لیڈر کے اہل خانہ کی امت شاہ سے اپیل

محبوس علیحدگی پسند لیڈر معراج الدین کلوال کے اہل خانہ نے وزیر داخلہ امت شاہ سے اپیل کی ہے کہ انہیں تہاڑ جیل سے سرینگر منتقل کیا جائے۔

معراج الدین کلوال 24 جولائی 2014 کو این آئی اے کی حراست میں ہیں اور اس وقت سے دیگر علیحدگی پسندوں کے ساتھ دہلی کے تہاڑ جیل میں قید ہے۔

سنہ 2017 میں قومی تفتیشی ایجنسی (این آئی اے) نے کشمیر میں علیحدگی پسند رہنماؤں اور چند کارکنان کے خلاف کاروائی کرکے انہیں حراست میں لیا تھا۔

این آئی اے کا دعویٰ ہے کہ علیحدگی پسند لیڈران عسکریت پسندوں کو پاکستان کی جانب سے فنڈز فراہم کرتے تھے اور سنہ 2016 میں حزب المجاہدین کمانڈر برہان وانی کی ہلاکت کے بعد ہوئے عوامی احتجاج کے دوران لوگوں کو بھڑکایا تھا۔

کلوال کے علاوہ دیگر محبوس لیڈران میں نعیم خان، شبیر شاہ، شاہد الاسلام، عیاض اکبر اور پیر سیف اللہ وغیرہ تہاڑ جیل میں قید ہے۔

کلوال کے اہل خانہ نے ایک بیان میں کہا ہے کہ وہ کئی امراض میں مبتلا ہیں اور کورونا وائرس کی وجہ سے انہیں انفیکشن ہونے کا خطرہ لاحق ہے۔

انہوں نے مزید کہا ہے کہ گزشتہ تین برسوں سے وہ کلوال سے مل نہیں پا رہے ہیں اور کووڈ 19 لاک ڈاون کی وجہ سے ان سے ملنے کے امکان نہیں دکھائی دے رہے ہیں۔