Dal Lake Cleanness Drive:"اتھواس " مہم میں ڈائریکٹر ہیلتھ سروسز کشمیر نے کی شرکت

جموں و کشمیر کے لیفٹیننٹ گورنر منوج سنہا نے 9 اپریل کو جھیل ڈل میں "اتھواس " عنوان کے تحت صفائی مہم کا آغاز کیا۔ اس مہم کے تحت آج پیر کے روز ڈائریکٹر ہیلتھ سروسز کشمیر اور محکمہ کے افسران نے حصہ لیا جب کہ گاندھی میموریل کالج کے طالبہ بھی اس کام میں شریک ہوئے۔Cleanness Drive In Dal Lake

سرینگر:رواں ماہ 9 اپریل کو جموں وکشمیر کے لیفٹیننٹ گورنر منوج سنہا کی جانب سے جھیل ڈل میں "اتھواس" نام سے شروع کی گئی اس صفائی مہم میں ہر روز مخلتف محکموں کے سربراہان اور الگ الگ کالجوں کے طلبہ مہم کا حصہ بن رہے ہیں۔ اسی کڑی کو جاری رکھتے ہوئے پیر کو روز بھی صفائی مہم جاری رہی، جس میں ڈائریکٹر ہیلتھ سروسز کشمیر اور محکمہ کے افسران نے حصہ لیا جب کہ گاندھی میموریل کالج کے طالبہ نے بھی اس کام میں ہاتھ بٹایا۔ اس موقع پر ایل سی ایم کے چیئرمین ڈاکٹر بشیر احمد بٹ کے علاوہ محکمہ کے دیگر افسران بھی موجود تھے۔

اس موقع پر ڈائریکٹر ہیلتھ سروسز کشمیر ڈاکٹر مشتاق احمد راتھر نے ایل سی ایم کی تعریف کرتے ہوئے کہا کہ "اتھواس" نام سے شروع کی گئی مہم کا مقصد سبھی کی شراکت سے ڈل کی شان رفت کو بحال کرنا ہے اور اس مہم کو کامیابی بنانے کے لیے ہر ایک کو آگے آنے کے بے حد ضرورت ہے۔ وہیں اس اقدام سے نہ صرف جھیل ڈل کی صفائی یقینی بن سکے گی بلکہ سیاحوں کے ذریعے ایک مثبت پیغام باہر جائے گا۔

ڈائیریکٹر ہیلتھ سروسز کشمیر نے کہا کہ ڈل نہ صرف سیاحت کے اعتبار سے کشمیر کی شان ہے بلکہ ماحولیات کے حوالے سے یہ اپنی ایک خاص اہمیت رکھتی ہے۔ ایسے میں یہ ہم سب ذمہ داری عائد ہوتی ہے کہ ڈل جھیل شان رفت کو بحال کرنے میں اپنا بھر تعاون کریں تاکہ جھیل ڈل کو گندگی سے پاک و صاف کیا جاسکے.

ادھر اس موقع پر گاندھی کالج کے طلبہ ایل سی ایم اے کی جانب سے شروع کی گئی اس پہل مثبت قرار دیتے ہوئے عام شہریوں کے علاوہ دیگر طلبہ پر بھی زور دیا کہ وہ بھی اپنی ذمہ داری سمجھ کر اس نیک کام کا حصہ بنیں۔