ڈپٹی کمیشنر نے این آئی ٹی کی نوٹیفیکیشن کی تردید کی

ڈپٹی کمیشنر سرینگر شاہد اقبال چودھری نے این آئی ٹی حضرت بل سرینگر میں کل سے تدریسی سرگرمیاں معطل کرنے کی ایک نوٹیفیکیشن کی تردید کی۔

انہوں نے کہا انتظامیہ کی طرف سے اس قسم کی کوئی بھی ہدایت جاری نہیں کی گئی ہے۔

شاہد اقبال چودھری نے ادارے کے تمام غیر ریاستی طلبہ اور فیکلٹی ممبران کے ساتھ ساتھ عام لوگوں کو بھی افواہوں پر کان نہ دھرنے کی اپیل کی ہے۔

ڈپٹی کمیشنر نے این آئی ٹی کی نوٹیفیکیشن کی تردید کی

انہوں نے اپنے ایک بیان میں کہا کہ ضلع انتظامیہ کی جانب سے این آئی ٹی حضرت بل میں اگلے اعلان تک تدریسی عمل معطل رکھنے کا کوئی بھی ہدایت نامہ جاری نہیں کیا گیا ہے۔

واضح رہے کہ ڈپٹی کمیشنر سرینگر کے ٹویٹ سے قبل نیشنل انسٹی ٹیوٹ آف ٹیکلنالاجی حضرت بل سرینگر کے رجسٹر کی طرف سے ایک نوٹیفیکیشن جاری کی گئی ہے، جس میں آج سے تمام تدریسی سرگرمیوں کو آئندہ ہدایت تک بند کرنے کا حکم دیا گیا ہے۔

دوسری جانب اس حکم نامے میں انسٹی ٹیوٹ کے تمام غیر ریاستی طلبہ کے ساتھ فیکلٹی ممبران کو کل این آئی ٹی کیمپس میں صبح 7 بجے تیار رہنے کو بھی کہا گیا تھا۔ وہیں انتظامیہ کی طرف لائے گئے بسوں کے ذریعہ اپنے اپنے آبائی علاقوں کی طرف روانہ کرنے کی بات بھی کہی گئی تھی۔