کووڈ-19 سے سی آر پی ایف جوان سمیت 4 کی موت

جموں و کشمیر میں کورونا وائرس 88 مثبت معاملات سامنے آئے ہیں۔ علاوہ ازیں چار افراد کی موت واقع ہوئی ہے۔

جموں و کشمیر میں کورونا وائرس کے 88 پازٹیو کیسز کے ساتھ سی متاثرین کی مجموعی تعداد 1 لاکھ 23 ہزار 852 ہو گئی ہے۔ حکام نے بتایا کہ جمعہ کے روز 22 ہزار ایک افراد کا کورونا وائرس ٹیسٹ کیا گیا، جن میں 88 افراد کا ٹیسٹ پازیٹیو آیا ہے۔ نئے مثبت معاملات میں 42 کا تعلق خطے جموں سے ہیں جبکہ 46 کا تعلق کشمیر وادی سے ہے۔

حکام نے بتایا کہ جمعہ کے روز 97 افرد صحتیاب ہوگئے ہیں اور انہیں مختلف ہسپتالوں سے رخصت کیا گیا ہے، جن میں جموں صوبے کے 30 افراد اور کشمیر کے 67 افراد شامل ہیں۔

ضلع وار تفصیلات فرام کرتے ہوئے حکام نے بتایا کہ سرینگر میں 18 پازٹیو کیسز پائے گئے ہیں، جبکہ ضلع بارہمولہ میں 4 بارہمولہ، بڈگام میں 5، پلوامہ میں چار، پلوامہ میں 3، اننت ناگ میں چار، بانڈی پورہ میں دو، گاندربل میں 4 اور کولگام میں دو پازٹیو کیسز پائے گئے ہیں۔ وہیں ضلع جموں میں 32، ادھمپور میں 2، راجوری میں تین، ڈوڈہ میں ایک اور پونچھ میں چار مثبت معاملات سامنے آئے ہیں۔

حکام نے بتایا کہ کورونا وائرس سے مبتلا چار مریضوں کی موت واقع ہوئی ہے، جس میں 2 جموں جبکہ 2 کشمیر کے ضلع بڈگام سے تعلق رکھتے ہیں۔ وہیں جموں میں 49 سالہ ایک سی آر پی ایف جوان کی کورونا وائرس سے موت واقع ہوئی ہے۔

متوفی سی آر پی ایف جوان کا تعلق اترپردیش کے بالیا سے تھا اور جموں میں سی آر پی ایف کی 178 میں اپنے فرائض انجام دے رہا تھا۔ ان کی موت جموں کے میڈیکل کالج میں ہوئی ہے۔ ہلاک شدہ سی آر پی ایف جوان ایچ آئی وی کا مریض تھا۔

انتظامیہ کی جانب سے جاری میڈیا بلیٹن میں کہا گیا ہے کہ نوول کورونا وائرس کے ایک لاکھ 23 ہزار 852 افراد متاثر ہوئے ہیں، جن میں سے 72 ہزار 491 کشمیر سے ہیں جبکہ 51 ہزار 361 افراد خطے جموں میں متاثر ہوئے ہیں۔ میڈیا بلیٹن کے مطابق جموں و کشمیر فی الوقت 1,098 ایکٹیو کیسز ہیں جبکہ اب تک ایک لاکھ بیس ہزار 826 افراد صحتیاب ہوئے ہیں۔