تین ماہ کے بعد عدالتوں میں کام کاج بحال

جمعہ کے روز عدالتوں کا دروازہ کھلنے کے ساتھ ہی عدالتوں میں لوگوں کی آمد دیکھنے کو ملی۔ جہاں انہیں اپنے معاملات کی نئی تاریخیں بھی دی گئی۔

تقریبا تین ماہ تک بند رہنے کے بعد جموں وکشمیر عدالت عالیہ (ہائی کورٹ) کے ساتھ ساتھ مرکزی زیر انتظام علاقے کی دیگر عدالتوں کے دروازے آج سے ایک بار پھر عوام کے لیے کھولے گئے۔
گزشتہ شب جموں کشمیر کے پرنسپل ڈسٹرکٹ اینڈ سیشن جج کے دفتر سے جاری کیے گئے ایک حکم نامے کے مطابق "جمعہ سے مرکزی زیر انتظام علاقے میں موجود تمام عدالتوں میں روزمرہ کی کارروائی دوبارہ سے شروع کی جائے گی تاہم کورونا وائرس کے خلاف تمام احتیاطی تدابیر پر سختی سے عمل کرنا ہوگا۔"

جمعہ کے روز عدالتوں کا دروازہ کھلنے کے بعد ہی عدالتوں میں لوگوں کی آمد دیکھنے کو ملی۔ جہاں انہیں اپنے معاملات کی نئی تاریخیں بھی دی گئی۔ قابل ذکر ہے کہ گزشتہ تین ماہ میں جموں کشمیر کی عدالتوں میں صرف اہم معاملات کی سنوائی ویڈیو کانفرنسنگ کے ذریعے ہوئی۔ جس کی وجہ سے عدالتوں کا کام کاج شدید متاثر ہوا۔

کورونا وائرس کی وجہ سے عاید کئے گئے لاک ڈاؤن کی وجہ سے نہ صرف روزمرہ کی سرگرمیاں متاثر وہیں بلکہ عدالتوں میں بھی سناٹا چھایا رہا۔