سرینگر:محکمہ امور صارفین و عوامی تقسیم کاری محکمہ کی انفورسمنٹ ونگ نے بدھ کو شہر سرینگر اور مضافاتی علاقوں میں مارکیٹ چینگ انجام دی۔ چینگ کے دوران 3 گوشت کی دکانوں اور ایک پولٹری شاپ کو سر بمہر کر دیاگیا۔ وہیں مارکیٹ چیکنگ ٹیم نے خلاف ورزی کے مرتکب 102 دوکانداروں سے 41 ہزار سے زائد روپے کی رقم بھی جرمانےکے طور وصول کی۔ Market checking drive in Srinagar and outskirts
محکمہ امور صارفین کا کہنا ہے کہ جاری مالی برس کے دوران اشیاء ضروریہ ایکٹ کی خلاف ورزی کے مرتکب تاجروں سے اب تک 85 لاکھ سے زائد روپے کی رقم جرمانہ کے طور پر وصول کی گئی جبکہ189 تجارتی یونٹس کو سر بمہر کیا گیا اور 12 تاجروں کے خلاف ایف آئی آر بھی درج کی جا چکی ہے۔ قابل ذکر ہے کہ بازار میں اشیاء ضروریہ میں بے تحاشا اضافے کے باوجود ایسے کئی دکاندار اور تاجر حضرات ہیں جو اپنی من مانی قیمتیں وصول کر کے عام صارفین کو دو دو ہاتھوں لوٹنے کا کام انجام دے رہے ہیں۔ CAPD seals 4 shops in Srinagar
کشمیر صوبے کی انفورسمنٹ ونگ کے اسسٹنٹ ڈائریکٹر مشتاق احمد وانی نے عوام الناس سے اپیل کی کہ وہ محکمہ کو اپنا تعاون پیش کریں تاکہ خلاف ورزی کرنے والے تاجروں اور دکانداروں کے خلاف قانون کے تحت کارروائی عمل میں لائی جا سکے۔ 3 mutton 1 poultry shops sealed