Poultry Shops Sealed in Srinagar: شہر خاص میں پولٹری کی کئی دکانیں سر بمہر

محکمہ سی اے پی ڈی کے انفورسمنٹ ونگ نے شہر سرینگر میں پولٹری کا ہول سیلر کاروبار کرنے اور ان قصابوں کے خلاف من مانی قیمتیں وصولنے کی کارروائی عمل میں لائی۔ اس دوران محکمے نے پانچ دکانوں کو سربمہر کیا۔ Poultry Shops Sealed in Srinagar

سرینگر:امور صارفین و عوامی تقسیم کاری محکمے کی انفورسمنٹ ونگ نے پائین شہر اور شہر خاص کے مختلف علاقوں میں پولٹری کے ہول سیلر کاروبار کرنے اور ان قصابوں کے خلاف کارروائی عمل میں لائی جو کہ لوگوں سے زیادہ اور من مانی قیمتیں وصولتے تھے۔ Poultry Shops Sealed in Srinagar

پیر کے روز محکمہ نے موصولہ شکایت پر کارروائی عمل میں لاکر پولٹری کا ہول سیلر دکانوں پر چھاپہ مارکر پانچ دکانیں سر بمہر کی۔ مذکورہ پولٹری کے ہول سیلر من مانی اور زیادہ قیمتوں میں مرغ فروخت کرتے ہیں جس وجہ سے پرچون پولٹری فروخت کرنے والے اسی قیمت کے حساب فی کلو عام صارفین کو فروخت کرتے ہیں جوکہ کافی زیادہ اور محکمہ کی جانب سے متعین کی گئی ریٹ سے کافی زیادہ ہے۔

وہیں اس دوران ڈاون ٹاون کے خانیار میں ایک قصاب کی دکان کو بھی سیل کیا گیا ہے جس سے غیر مناسب قیمت میں گوشت فروخت کرنے کا قصور وار پایا گیا ۔ اس موقعے پر محکمہ میں اپنی کارروائی کے دوران میں دکانوں کو سربمہر کرنے کے علاوہ باضابطہ طور پر کیس بھی درج کیا۔

ایسے میں کشمیر صوبے کے انفورسمنٹ ونگ کے اسسٹنٹ ڈائریکٹر مشتاق احمد وانی نے لوگوں سے اپیل کی ہے وہ آگے آکر محکمہ کو اپنا تعاون پیش کریں تاکہ اس طرح کی خلاف ورزی کرنے والے دکانداروں کے خلاف قانون کے تحت کارروائی عمل میں لائی جاسکے۔