بی جے پی رہنما ڈاکٹر شاما پرساد کو خراج عقیدت

پارٹی ہیڈ کوارٹر جواہر نگر سرینگر میں پارٹی لیڈران اور کارکنان کی جانب سے ڈاکٹر شاما پرساد کی یاد میں ایک تقریب منعقد کی گئی۔

مرکز کے زیر انتظام جموں و کشمیر کے دارالحکومت سرینگر میں آج بھارتیہ جنتا پارٹی کی طرف سے پورے ملک کے ساتھ سرینگر میں بھی بانی پارٹی ڈاکٹر شاما پرساد کو ان کی برسی پر خراج عقیدت پیش کیا گیا۔

اس سلسلے میں آج پارٹی ہیڈ کوارٹر جواہر نگر سرینگر میں پارٹی لیڈران اور کارکنان کی جانب سے ڈاکٹر شاما پرساد کی یاد میں ایک تقریب منعقد کی گئی۔ جس میں موصوف کی تصویر پر گل پوشی کی گئی جبکہ اس دوران جموں و کشمیر یوٹی انچارج اشیش سود بطور مہمان خصوصی موجود تھے۔

اس موقع پر اشیش سود نے میڈیا سے بات کرتے ہوئے کہا کہ ڈاکٹر شاما پرساد نے 1954 میں ایک ویدان ایک پردھان کا جو نعرہ دیا تھا وہ نریندری مودی نے پورا کر دیا جس سے ملک دشمن عناصر کو شکت کاسامان ہوا۔