مرکز کے زیر انتظام جموں و کشمیر کے دارالحکومت سرینگر میں آج بھارتیہ جنتا پارٹی کی طرف سے پورے ملک کے ساتھ سرینگر میں بھی بانی پارٹی ڈاکٹر شاما پرساد کو ان کی برسی پر خراج عقیدت پیش کیا گیا۔
اس سلسلے میں آج پارٹی ہیڈ کوارٹر جواہر نگر سرینگر میں پارٹی لیڈران اور کارکنان کی جانب سے ڈاکٹر شاما پرساد کی یاد میں ایک تقریب منعقد کی گئی۔ جس میں موصوف کی تصویر پر گل پوشی کی گئی جبکہ اس دوران جموں و کشمیر یوٹی انچارج اشیش سود بطور مہمان خصوصی موجود تھے۔