بی جے پی جموں و کشمیر کی ترقی اور خوشحالی کے لیے پرعزم ہے: شہنواز حسین

بی جے پی کے قومی ترجمان اور جموں و کشمیر کے الیکشن انچارج سید شاہنواز حسین نے کہا ہے کہ مجھے جموں و کشمیر کے لوگوں پر فخر ہے کہ وہ رواں انتخابات میں ترقی کے لئے ووٹ ڈال رہے ہیں.

شہنواز حسین نے کہا کہ جو لوگ ہمارے خلاف متحد ہوگئے انہیں امید نہیں تھی کہ لوگ اس طرح ان انتخابات میں ووٹ ڈالیں گے یہی وجہ ہے کہ وہ پریشان ہوگئے ہیں۔

شہنواز حسین نے سرینگر میں پریس کانفرنس کے دوران کہا کہ عوامی اتحاد برائے گپکار اعلامیہ ایک گمراہ گینگ ہے اور اس میں شامل پارٹیاں نئے سرے سے جموں وکشمیر کے لوگوں گمراہ کر رہی ہیں۔ تاہم یہاں کی عوام کافی ہوشیار ہے وہ اب ان کے بہکاوے میں آنے والے نہیں ہیں۔

انہوں نے کہا کہ ڈی ڈی سی انتخابات میں لوگوں کی بھر پور شرکت سے یہ بات عیاں ہوگئی ہے جموں و کشمیر کے لوگ ترقی اور خوشحالی چاہتے ہیں ۔جس کی وعدہ بند پہلے ہی وزیر اعظم نریندر مودی کی قیادت والی بی جے پی حکومت ہے۔ انہوں نے کہا کہ جنوب سے شمال تک اور جموں و کشمیر کے مشرق سے لےکر مغرب تک لوگ امن، خوشحالی اور ترقی کے خواہاں ہیں۔

بی جے پی کے قومی ترجمان نے پریس کانفرنس کے دوران عوامی اتحاد برائے گپکار اعلامیہ میں شامل پارٹیوں کو تنقد کا نشانہ بناتے ہوئے کہا کہ این سی سی، پی ڈی پی اور گپکار گینگ میں شامل باقی پارٹیاں لوگوں کا دھیان جموں وکشمیر کی ترقی کو چھوٹ دیگر معمولات کی طرف لے جا رہی ہے کیونکہ یہ خاندانی پارٹیاں یہاں کی ترقی اور خوشحالی کے دشمن ہیں۔

شہنواز حسین نے سوالیہ انداز میں پوچھا کہ جموں وکشمیر میں کئی دہائیوں سے حکومت کرنے والی ان خاندانی پارٹیوں کو اب جواب دینا ہوگا کہ ترقی کے نام پر یہاں کون سے کام انجام دئیے گئے ہیں؟

انہوں نے پی ڈی پی اور نیشنل کانفرنس پر نشانہ سادھتے ہوئے کہا کہ یہ پارٹیاں اب جموں و کشمیر کی ترقی پر بات کیوں نہیں کر رہی ہیں۔ جموں و کشمیر میں جاری ڈی ڈی سی انتخابات کے دوران لوگوں کی بنیادی ضروریات اور ترقی پر بات ہونی چائیے نہ کہ ان لوگوں کو وہ خواب دکھانے چائیے جو کبھی پورے ہی نہیں ہوں گے ۔

بی جے پی کے قومی ترجمان نے کہا کہ یہاں کی خاندانی پارٹیوں نے جموں و کشمیر کے عام شہری کو سیاست میں آگے بڑھنے کا موقع نہیں دیا ہے۔ تاہم اپنی گمراہ کن سیاست اورجھوٹے وعدوں سے لوگوں کا استحصال ضرور کیا ۔

شہواز حسین کا کہنا تھا کہ یہاں اگر سیکورٹی کے اعتبار سے این سی یا پی ڈی پی کے کسی رہنما کو احتیاط کے طور کسی علاقے میں جانے سے انتظامیہ یا سیکورٹی ایجنسیاں روکتی ہیں تو ان سیاست دانوں کی ڈرامہ بازی شروع ہوجاتی ہے جبکہ ایسا ان کی سلامتی کو دھیان میں رکھ کر کیا جاتا ہے۔