سرینکر: پولیس فورس پر دستی بم سے حملہ

پولیس نے صفا کدل تھانہ میں مقدمہ درج کر لیا ہے اور تفتیش جاری ہے۔

جمعرات کی شام مشتبہ عسکریت پسندوں نے سرینگر شہر کے علاقے برری پورہ میں سنٹرل ریزرو پولیس فورس (سی آر پی ایف) کے اہلکاروں کی طرف دستی بم پھینکا۔ تاہم کسی قسم کے جانی و مالی نقصان کی کوئی اطلاع نہیں۔

ایک سینیئر پولیس آفیسر نے بتایا، 'مشتبہ عسکریت پسندوں نے برری پورہ چوک نوا کدال میں قیام سی آر پی ایف 161 بٹالین کے کیمپ کی طرف دستی بم پھینکا، جو ایک بڑے دھماکے کی آواز کے ساتھ کچھ فاصلے پر پھٹا۔ تاہم کسی بھی قسم کے جانی و مالی نقصان کی اطلاع نہیں ہے۔'

ادھر صفا کدل پولیس تھانہ میں مقدمہ درج کر لیا ہے اور تفتیش جاری ہے۔