LG Manoj Sinha: 'عوام کو بھروسہ دلانا چاہتا ہوں کہ کسی بے گناہ کے خلاف کوئی کارروائی عمل میں نہیں لائی جائے گی'

منوج سنہا نے کہ میں کشمیر کے عوام کو بھروسہ دلانا چاہتا ہوں کہ کسی بھی بے گناہ کے خلاف کوئی کارروائی عمل میں نہیں لائی جائے گی۔ انہوں نے اس موقع پر کہا کہ ”میں جانتا ہوں کہ جب دیا بجھتا ہے تو بجھتے وقت اُس کی لو تیز ہو جاتی ہے۔'' LG Manoj Sinha Assure people

سرینگر: جموں وکشمیر کے لیفٹیننٹ گورنر نے اتوار کے روز کہا کہ میں کشمیری عوام کو بھروسہ دلانا چاہتا ہوں کہ کسی بے گناہ کے خلاف کوئی کارروائی عمل میں نہیں لائی جائے گی۔ انہوں نے بتایا کہ عسکریت پسند کشمیر کے پُرامن ماحول کو خراب کرنا چاہتے ہیں۔ ان باتوں کا اظہار ایل جی نے ایس کے آئی سی سی میں منعقدہ تقریب سے خطاب کے دوران کیا۔ انہوں نے کہا کہ ملی ٹینٹ اب خواتین اور بچوں کو بھی نہیں بخش رہے ہیں۔ No action against innocent people

ایل جی نے کہا کہ لوگ اس طرح کے واقعات کے خلاف اُٹھ کھڑے ہوں تاکہ سماج دشمن عناصر کے منصوبوں کو ناکام بنایا جاسکے۔ انہوں نے مزید بتایا کہ سیکورٹی فورسز کے اہلکار اپنے فرائض خوش اسلوبی کے ساتھ انجام دے رہے ہیں۔ ایل جی نے کہا کہ سیکورٹی فورسز کے اہلکار مستعدی کے ساتھ کام کر رہے ہیں۔ انہوں نے بتایا کہ حالیہ ایام کے دوران عسکریت پسندوں نے خواتین کے ساتھ ساتھ بچوں کو بھی نشانہ بنایا اور ان واقعات کی سبھی کو مذمت کرنی چاہیے۔ LG Manoj Sinha

ایل جی نے کہا کہ امن و چین تب ہی قائم ہو سکتا ہے جب ان واقعات کے خلاف سب اٹھ کھڑے ہوں۔ منوج سنہا نے کہا کہ میں کشمیر کے عوام کو بھروسہ دلانا چاہتا ہوں کہ کسی بھی بے گناہ کے خلاف کوئی کارروائی عمل میں نہیں لائی جائے گی۔ انہوں نے اس موقع پر کہا کہ ”میں جانتا ہوں کہ جب دیا بجھتا ہے تو بجھتے وقت اُس کی لو تیز ہو جاتی ہے۔ “

ایل جی منوج سنہا نے کہا دہشت گردوں کی منشا ہے کہ سیکورٹی فورسز کے اہلکار عام شہریوں کے خلاف کارروائی عمل میں لائیں لیکن میں لوگوں کو بھروسہ دلانا چاہتا ہوں کہ انتظامیہ کسی بے گناہ کے خلاف کوئی کارروائی عمل میں نہیں لائے گی۔ انہوں نے کہا کہ عام شہریوں کے قتل میں ملوث دہشت گردوں اور اُن کے مدد گاروں کے خلاف سخت کارروائی عمل میں لائی جائے گی اور اُنہیں کسی بھی صورت میں بخشا نہیں جائے گا۔

• ی