تعلیم یافتہ ہونے کے باوجود کم اجرت پر کام کرنے پر مجبور

ورکرز ایسوسی ایشن کے صدر نے کہا کہ حکومت نے ہم سے وعدہ کیا تھا کی سات سال کے بعد مستقلی کے آرڈر دیے جائیں گے۔ لیکن آج تک وہ وعدے وعدے ہی رہے۔

مرکز کے زیر انتظام جموں و کشمیر کے شہر سرینگر میں محکمہ جل شکتی کے ورکرس نے پریس کانفرنس منعقد کی۔ اس دوران ورکرس ایسوسیشن کے صدر منصور احمد بٹ نے کہا کہ گزشتہ دہائیوں سے ہم اعلیٰ تعلیم یافتہ ہونے باوجود محکمہ جل شکتی میں قلیل اجرت پر کام کر رہے ہیں۔

انہوں نے کہا کہ حکومت نے ہم سے وعدہ کیا تھا کی سات سال کے بعد مستقلی کے آرڈر دیے جائیں گے۔ لیکن آج تک وہ وعدے وعدے ہی رہے اور ہم سے بیگاری لی جا رہی ہے۔ اس ظلم کی چکی میں ہم پیسے جا رہے ہیں۔ ہمارے افراد خانہ بھکمری کا شکار ہو رہے ہیں۔

انہوں نے کہا کہ جموں میں اس وقت پی ایچ ای امپلائز فرنٹ کئی روز سے کام چھوڑ ہرتال پر ہیں۔ اب حالات ایسے بن چکے ہیں کہ ہمارے پاس اجتماعی خودکشی کے سوا کوئی چارہ نہیں ہے۔ اس دوران انہوں نے گورنر انتظامیہ سے اپیل کی ہے کہ ہمارے ساتھ انصاف کیا جائے اور ہمیں مستقل کیا جائے۔