مرکز کے زیرانتظام جموں و کشمیر کے لیفٹیننٹ گورنر انتظامیہ نے بدھ کو گورنر کے مشیر آر آر بھٹناگر کو حاصل مختلف محکموں کے اختیارات کو عارضی طور مشیر کے کے شرما کو سپرد کیے گئے۔
جنرل ایڈمنسٹریشن ڈپارٹمنٹ کی طرف سے جاری کردہ حکم نامے میں کہا گیا ہے کہ ’’گورنر کے مشیر آر آر بھٹناگر کے سبھی اختیارات فی الحال کے کے شرما کے پاس رہیں گے جب تک مشیر آر آر بھٹناگر کو محکمہ صحت قرنطینہ سے فارغ نہ کر دے۔‘‘
واضح رہے کہ چند روز قبل دہلی سے آئے جموں و کشمیر لیفٹیننٹ گورنر کے مشیر کی بیوی اور بیٹے کا کورونا ٹیسٹ مثبت پایا گیا تھا جس کے بعد گورنر کے مشیر کو محکمہ صحت کی جانب سے قرنطینہ میں رکھنے کے ہدایت جاری کی گئی تھی۔
قابل ذکر ہے جموں و کشمیر میں کورونا وائرس کے مثبت کیسز میں تیزی سے اضافہ ہو رہا ہے اب تک 1800کے قریب افراد اس وائرس کی چپیٹ میں آ چکے ہیں جبکہ دو درجن سے زیادہ افراد وائرس کی زد میں آکر فوت ہو چکے ہیں۔